MURA-in Remna Ni-ah Black Day hman tum

Mizoram Underground Returnee Association (MURA) chuan, India sorkar leh MNF inremna, Memorandum of Settlement (MoS) chu an pawm lo tih an sawi a; kumina Remna Ni, June 30-ah lungawi loh lantir nan puan dum sinin 'Black Day' hman an tum thu an puang.

MURA hruaitute chuan nimin khan Aizawl Press Club-ah thuthar thehdarhtute kâwmin, an lung-awi lohnate leh MoS an pawm loh chhan an sawifiah a; MoS chu an pawm loh avang leh MURA member-te ngaihthah an nih avangin kumin Remna Ni-ah Black Day an hmang dawn a, Tennis Court bulah puan dum sina punkhawm an tum thu an sawi a ni.