Sena Medal dawngtu Sorkarin lawmpuina hlân

8 Assam Regiment (42 Rashtriya Rifles)-a Hav. Laldinpuia, Thing-sulthliah chu hel pahnih a kah hlum avangin August 2015 khan India President-in Sena Medal a hlan a; Mizoram sorkar aṭanga Sena Medal dawngte lawmpuina pek ṭhin chu Rs. 3,00,000 pawh nimin khan hlan a ni.

Mizoram sorkar aṭanga lawmpuina hlan-na inkhawm hi nimin khan Sainik Welfare & Resettlement Director pisaah neih a ni a, Mizoram sorkar aiawhin Sainik director Surg.Lt.Cdr. Lalnuntluanga'n Hav. Laldinpuia hnenah Rs. 3,00,000 hi a hlân.

Hav. Laldinpuia hian 42 Rashtriya Rifles-a a awmlai leh Quick Response Team (QRT)-a a awmlaiin August 2015 khan Tral Hondura, Kashmir-ah 42 RR commanding officer Col. MN Rai hoin operation an nei a; hel pahnih a kap hlum a ni. Hei vang hian India President chuan huaisen lawmman (gallantry award) Sena Medal a hlan. Inbeihnaah hian an hotu Col. MN Rai hi a thi a ni.