Rangvamuala lirthei tlan theih hun bituk

Traffic SP C Lal-than-mawia chuan thu-chhuah siamin, National Highway-54, Rangvamuala lei min/tawlh ṭhin vanga mipuite hriat turte a puang a, "Lei tawlh hi chak zawnga thenfai a nih theih nan June 27 aṭang hian lirthei tlân hun siam thar a ni," a ti.

Traffic SP tarlan danin, Rang-vamuala leimin thenfai hna thawh mek a nih avangin June 27 aṭang chuan zing dar 9 aṭanga chawhnu dar 2 inkar leh zan dar 10 aṭanga zing dar 5 inkarah kawngpui khâr a ni tawh ang.

Tun hnaiah tlai dar 3-6 chhung kawngpui hi khar ṭhin a ni a, Aizawl DC hoa a kaihhnawih department-te leh lirthei neitu pawl hrang hrang hruaitute thurel angin kawngpui khar hun hi tihdanglam a ni. Lirthei liante Aizawla an luh ṭan theih hun, zan dar 8 ni ṭhin pawh kawng siam a nih chhung chu zan dar 7-ah sawn hma a ni.

Hnathawh hun darkar bithliah chhungah hian Lungverh to Ramrikawn via Sakawrtuichhun kawng lamah LMV- te chu tlan tur a ni. He kawngah hian 407 truck leh a chung lam lirthei liante chhuk leh chho zawnga tlân phal a ni lo. Kolasib lam kal turte chu Durtlang-Lungdai kawng lama kal tura ngen an ni.

Rîkrum thil, pawi-mawh bik leh VVIP/VIP chet velna thilah chuan Traffic police hotute leh hnathawk hotute inberáwnin a ṭul dan azirin ruahmanna siam chawp tur a ni.

Kawngpui khar hun

9:00 am - 2:00 pm

10:00 pm - 5:00 am