Champhaiah mock drill neih a ni

Champhai District Disaster Manage^-ment Committee bultumin nimin khan CHANEM building leh Circuit House-ah lirnghingin chhiatna a thlen thulha chhawmdawlna hna thawh dan tur a taka enchhinna (mock drill) neih a ni.

CHANEM-ah chawhma dar 11-ah lir a nghing tih entirna atan siren tihrîk a ni a, building-a awm, office paruk leh zirna-in pathumte bakah, dawr luahtute zinga insaseng thei lote chu chhanchhuahna hna thawk tura ruat (rescue team), GM HSS naupangte'n chhanchhuah dan an entir a ni. Fire & Emergency Services-te pawhin kângmei chhuahk an ṭhelh a, Champhai District Hospital-a doctor-te leh nurse-te ambulance nen thawk chhuakin hliam leh thite an bawihsawm bawk.

Circuit House-ah hian lirnghing entir nan chawhnu dar 1-ah siren tihrîk a ni a, chhiatrupna thlen thulha hmalak dan tura ruahmanna awm sa chu a hun takah chinfel theih a ni.