CBI-in la chhang lo

Mizoram sorkarin rangkachak tawlhrûk thubuai chhui tura a ngen chungchangah Central Bureau of Investigation (CBI) chuan Mizoram sorkarah chhanna a la pe lo.

Home department aṭanga thu dawn danin, Mizoram sorkar chuan CBI aṭangin thu a la dawng lo a, engtin nge kalpui zel a nih dawn tih chu CBI aṭanga chhanna dawn a nih hunah a hriat theih ang.

Hetih lai hian, thubuai chhui tura din special investigation team (SIT) chuan thubuai chhui hna an la kalpui zel a, bail-a chhuak mek thu zawhfiah nawn atana koh lehte pawh an nei a ni.