MPCC-in Hawla kaihhruaia Inthlan hmachhawn an rel

Mizoram Pradesh Congress Committee (MPCC) Executive Committee chu nimin Lal Thanhawla Auditorium-ah an ṭhukhawm a; kum 2018-a Assembly inthlan chu an president Lal Thanhawla kaihhruaia hmachhawn an rêl.

MPCC meeting chuan resolution pass in, mirethei ber thlenga chanvo neih theihna programme leh hmasawn ruhrel lian leh changtlung tak tak te,
ṭhalaite khawvel thar atana hmalaknate leh lo neitute leh rahbi tleute khai chhuah chhunzawm zelna tura an hmachhawp, New Economic Development Programme chu ropui an tih thu an tarlang a; "Ram leh mipui mamawh ber remna leh muanna vawn nun reng hi ṭul leh pawimawh bera kan neih a ni," an ti.

MPCC meeting chuan Congress party kaihhruai sorkar hmalak mekte chhunzawm a, tihlawhtling turin kum 2018 General Election awm turah hian Lal Thanhawla kaihhruainaa inthlan hmachhawn leh ni se, tiin lungrual takin thu an pass a ni.