KHAWTHLIR

Thisen pe
Bungkawn bial KṬP chuan Inrinni khan Sy­nod Hospital-ah thisen unit 74 an pe a, a petute mipa 54 leh hmeichhia 20 an ni. ṬKP Lunglei Bazar Veng unit pawhin Inrinni khan Chriatian Hospital, Serkawnah thisen unit 43 an pe a, a petute mipa 31 leh hmeichhia 12 an ni.

DC inthlak
February 13, 2015 khan Champhai DC thar, H Lalengmawia'n DC kal chhuak Sangdingliana hnen aṭangin DC mawhphurhna a la a; Mamit DC thar Vanlalngaihsaka'n DC kal chhuak K Lalthawmmawia hnen aṭangin Mamit DC mawhphurhna a la bawk.

Baby Show nei
Lungsen damdawi-in (PHC)-ah Inrinni khan naute entirna, Baby Show neih a ni a, naute 30 vel an tel. Baby Showan neih chhan chu - naute hrisel ṭha em tih te, enkawlna
ṭha an dawng em tihte leh an nute hriselna a ṭha em tihte enfiahna a ni a; nu leh pate chu naute enkawl dan ṭha leh nu leh pate mawhphurhna leh hriselna chung­chang an zirtir bawk.

BCM pro pastor
Nimin chawhma khan Lunglawn East BCM biak-inah BCM probationary pastor atana lak thar mi pangate lakluh an ni. Inkhawm hi BCM executive editor Rev. C Lalbiakzama'n a kaihruai a, associate general secretary Rev.Dr K Lalrinthanga'n pro pastor tharte chu a lalut a ni.

BJP-ah lawm lut
BJP general secretary (hmarchhak bialtu) Ranjit Majumder chuan, Inrinni khan Chawngteah BJP-ah mi 750 a lawm lut. Lawm luh zingah hian minister hlui Nirupam Chakma, MLA hlui AB Chakma, CADC CEM hlui Nilomi Chakma leh MDC hlui Anil Kumar Chakma-te an tel.

Nausen chhar
Inrinni zan dar 12:30 vel khan Kaikhawliana, Koalsib Saidan Vengthar kawngka bulah nausen chhar a ni a, Kolasib Civil Hospital-ah dah a ni. Nausen hi kg. 2.250 a ni a, doctor-te chuan a hriselna a ṭhat thu leh pian hun pangngaia piang a ni tih an sawi.