Blood for your Valentine huaihawt

Association for Vo­luntary Blood Donation (AVBD) chuan Inrinni khan Valentine's Day pualin Mizo High School Hall, Aizawlah thisen pek rûnpui, Blood for your Valentine an huai­hawt mi 417-in thisen an pe a; khuallian, parliamentary secretary Joseph Lalhim­puia pawhin thisen a pe.

Joseph Lalhimpuia chuan, mi ṭhenkhatin Mizo ṭhalaite laktlak loh tak angin sawi mah se, ṭhalai ṭhahnem tak thisen pe tura an kal khawm vangin Mizo ṭha­laite an la ṭha hle tih a lang niin a sawi a, "Thisen pe theia awm hi Pathian malsawmna a ni a, nakinah chuan pek duh mah ila pek theih loh hun a la awm dawn, pe theia kan awm lai hian pek uar zel ang u," a ti.

School Education department bul tuma faina beihpui thlak kal mek chu sorkar chauh tihhlawhtlin theih a ni lo tih sawiin, mipui zawng zawng ṭanrual a ngaih thu a sawi a, ṭhalaite chu faina kawngah theihtawp chhuaha ṭan la turin a ngen a ni.