Tlawng lei dawh zo dawn hnai

Sihhmui leh Lengpui inkar Tlawng luia thir lei dawh mek chu ngawrh taka thawh mek niin, naktukah zawhfel beisei a ni.

Zawhna chhangin PWD Mechanical Division engineer-te chuan, lei ruangám te, lei tihchakna tura a panel vuah thuah te, lei ṭhutna hmun­a bearing vuah luhte chu an zo vek tawh a, vawiin aṭangin lei chhuatah thir phek phah a ni ang. Lei chhuat hi ni hnih chhung­a phah zawh beisei a ni a, naktukah phah zawh an tum a ni. Lei dawh zawh hnuah pawh lei bul kawng siam ṭhat a ngai dawn tih an sawi.

Tlawng lei dawh mek hi motor lian, ton 20 phur chin dâwl zo tura ngaih a ni a, ton 20 aia rit phurte tan zawh phal a ni lo ang.