Champhai Ṭhalai Pawlin meeting-a MLA tel lo an dem

Champhai Ṭhalai Pawl (CṬP) chuan thuchhuah siamin, Champhai District Vigilance & Monitoring Committee ṭhutkhawmnaah Champhai district-a MLA pangate an la tel ve ngai lo niin an tarlang a, ngaih thiam har an tih thu an sawi.

CṬP chuan, Champhai District Vigilance & Monitoring Committee-in Champhai district-a sorkar laipui­in hmasawnna programme a neihte kalpui dan thlirletnaah Champhai district-a MLA panga - JH Roṭhuama, H Rohluna, Lalrinliana Sailo, TT Zothansanga leh T Sangkunga-te an la tel ve lo niin an sawi a; February 12, 2015-ah meeting ngai pawimawh tura an ngen chungin MLA pangate chu an tel ta chuang lo niin an sawi.

CṬP chuan, Cham­phai District Vigilance & Monitoring Committee-a Champhai district-a MLA pangate an tel ngai lo chu Champhai district mipuite ngaih pawimawh lohna leh hmuhsitnaa an ngaih thu an tarlang a, chief minister Lal Than­hawla hnenah an lung­awi loh thu an thlen thu an sawi bawk.