Pawngsualtu kum 20 táng turin hrem
Kolasib Fast Track Court chuan hmeichhe naupang pawngsualtu Lalpekthanga (32) s/o Lalhmangaiha Varte, Thingdawl Vengthar chu kum 20 chhung jail-a táng tur leh Rs 7,000 chawi turin a hrem.
Thu dawn danin, February 28, 2021 zan dar 7 bawr vel khan pawngsual tâwktu hmeichhe naupang kum 11 mi chu an chhungte in aṭanga an in pana a haw kawngah Lalpekthanga'n lo lambunin, Thingdawl khaw daia huan thlâm pakhatah a hruai lui a, vau betin a pawngsual a ni.
Hmeichhe naupang chhungte chuan Kolasib Police Station-ah FIR an thehlut a, police-te'n chhui zuiin, Lalpekthanga chu an man a ni. Thubuaiah hian court-in finfiahna leh thuhretute thu a zawhfiahnaah thutlukna siamin, Lalpekthanga chu thiam loh a chantir.
Lalpekthanga hi Kolasib Fast Track Court judge R Vanlalena chuan hrehawm taka kum 20 chhung táng tur leh Rs 7,000 chawi turin a hrem a; pawisa a chawi loh chuan thla 3 dang tàn belh turin a ti bawk.