Insawipui i uar lo ang u - DPAR Minister

Department of Personnel and Administrative Reforms (DPAR) minister K Sapdanga chuan, tunlai hian sorkar hnathawk transfer leh posting an khawih nasat thu sawiin, insawpui uar lo turin mipui a ngen.

K Sapdanga chuan, Lok Sabha MP inthlan vuakvêta Model Code of Conduct avangin sorkar hnathawk transfer leh posting tih theih loha a awm reng thu a sawi a, "MCC avanga tangkhangte a tam nen, tunlai hian transfer and posting kan ti nasa. Insawipui a nasa ṭhin hle," a ti.

Insawipui loh tawp chu thil har a nihna chen pawh a awm thei tih sawiin Minister chuan, "Mahse, harsatna an rawn sawi angin an duh dan tihhlawhtlin sak vek ila hnathawh ngaihna a awm lo," a ti a; sorkarin uluk taka ngaihtuah chungin transfer leh posting a kalpui thu a sawi.

DPAR Minister chuan, inhriatthiam chin a awm thu sawiin, "Chutihrual chuan, engtin nge Mizoram tan ṭangkai takin hnathawh theih a nih ang tih kan ngai pawimawh ber lo thei lo," a ti.