Vanglaini Pa ber K Chalṭhuama kan chán ta

K Chalṭhuama (kum 100) f/o K Sapdanga, Editor, Vanglaini chu February 16 (Thawhṭan­ni), 2015 zing dar 10:00 khan thawhah vangin Zuangtuia a chênna inah a thi a, vawiin chhun dar 12:00 hian vui a ni ang.

K Chalṭhuama hian fa 12, fanu paruk leh mipa paruk a nei a, a nupui Lal­zami'n kum 1992 khan a boral san tawh. Amah hi a vanglai hun Pathian rawngbawla hmang ṭhin a ni a, Burma-a missionary hnathawk ṭhin a ni.

Ama chanchin ziak­na lehkhabu, 'Koh luih­na ramah' tih kum 2000-a tihchhuahah chuan, "Pawi rama kan rawng­bawl ve chhungin Ringthar mi 3,000 bawr vel an awm a. Kohhran dang aṭanga rawn inlette nen chuan kohhran Member 5,000 vel lai kan siam ve a nih chu. Kohhran 40 vel kan phun bawk," tiin an rawng­bawlna chanchin a ziak.

Hun rei tak chhung chu Vanglaini chanchinbu a sem ṭhin a, 1986 khan Champhaiah Vanglaini hi a sem ṭan a, Aizawla an pêm hnuah pawh Vang­laini chanchinbu hi a sem chhunzawm zel ṭhin. Vang­­laini chanchinbu a ṭhan zel theihna tura bang loa ṭawngṭai ṭhin, Vanglaini chan­chinbuin 'pa ber' ena kan en ṭhinin mual min liam san ta hi Vanglaini chanchinbua hnathawktute chuan kan ui takzet a ni.

- Joint Editor & staff, Vanglaini