KHAWTHLIR

Zirlai thlah
Labour Employment & Industrial Training department leh Mizoram Youth Commission buatsaihin Unique Education Society, Delhi-a training turte tan nimin khan Horticulture conference hall-ah thil pawimawh inhrilhhriatna hun hman a ni. Unique Education Society-ah hian web design, tally leh banking & accounting-te a zir theih.

Saiphai thlang
Serlui bialtu MLA K Lalrinthanga, parliamentary secretary chuan a bial chhunga model village atan Saiphai khua a thlang. K Lalrinthanga hian Saiphai khua model village-a thlan thu hi kar hmasa khan a puang a ni.

Heroin man
CID (Crime) hnuaia Special Narcotic PS staff-te leh Lungleia BSF-te chuan, nimin tlai dar 3:40 khan Falkland Veng, Aizawlah heroin hawng 9 an man a, a neitua puh Genkholal Khongsai s/o Damzagin, Bethlehem, Churachanpur district, Manipur an man bawk. Heroin an man hi Aizawlah Rs. 5,00,000 hû a ni.

Dawt thehdarhtua puh man
Prime minister Narendra Modi-in Bible chhut a phal tawh lo, nia facebook leh whats app hmanga thehdarh a nih chungchanga BJP FIR thehluh bawhzuiin police-te chuan Lalrinchhana (20), Lunglei Zotlang Veng an man.