CM-in wine ṭha siam tum turin a chah

Chief minister Lal Than­hawla chuan, MLTP Act hlih a nih avangin ram dang aṭang­in wine chi hrang hrang Mizoramah a lut dawn tih a sawi a, Mizorama wine siam­tute chu ram dang wine nena khaikhin theih tur wine siam chhuah tuma ṭan la turin a chah.

Chief Minister hian Pathianni khan Tlangsam Winery a tlawh a, Cham­phai Grape Grower Society (CGGS) hruaitute nen grape hmanga wine siam chhuah tam lehzual dan tur an sawiho.

CGGS hruaitute chuan, an khawl neihin a tlin loh avangin Champhai leh a chhehvela grape thar chhuahte an lei zawhsak theih loh thu te, tui dahkhawlna an neih ṭhat loh thu te, an building-in a zawh loh thute leh wine tam zawk siam chhuak tura an mamawh hrang hrangte Chief Minister hnenah an lo thlen a ni.

CM Lal Thanhawla chuan, wine siam chhuahte chu miin an duh lehzual theih nan a siam chhuah ní leh a thih ni ziah lan ṭha a tih thu a sawi a; zau zawka hralh theih turin uluk lehzuala wine siam turin winery-a thawkte chu a chah a ni.