Village Council electoral roll tlangzarh a ni

Nimin khan Aizawl leh district khawpui hrang hrangah Village Council Electoral Rolls 2015 tlangzarh a ni.

Aizawlah chuan VC electoral roll chu DC Dr Franklin Laltin­khuma'n a pisa-ah a tlangzarh. Aizawl district-ah voter 71,014 an awm a, 35,292 chu mipa niin, 35,722 chu hmeichhia an ni. Vote tamna ber Sihphir V/C-ah chuan voter 2,793 an awm a, vote tlemna ber Chhanchhuahna Khawpuiah voter 100 an awm.

Lungleiah chuan V/C roll hi DC Ashish Madhaorao-in DC conference hall-ah a tlangzarh. Lunglei district-ah hian voter mipa 48,597 leh hmeichhia 48,984, an vaiin 97,581 an awm a ni.

Mamitah chuan DC Vanlal-nghaisaka'n a tlangzarh a; Mamit district-ah hian V/C awmin, voter mipa 25,928 leh hmeichhia 25,231, an vaiin 51,159 an awm.

Champhaiah chuan DC H Lalengmawia'n V/C roll a tlangzarh a; he district-ah hian V/C 108 awmin, voter 79,415 an awm. Voter zinga 38,350 chu mipa an ni a, 39,885 chu hmeichhia an ni.

Serchhipah chuan DC Juhi Mukherjee-i'n a tlangzarh a; V/C 52-ah voter 45,945 an awm a, mipa 22,508 leh hmeichhia 23,437 an ni.