Tribal Affairs secretary-in sorkar dept. hotute a kâwm

Ministry of Tribal Affairs secretary Dr Hrisikesh Panda chuan, nimin khan DC conference hall-ah Saiha district chhunga department hrang hrang hotute a kâwm.

Meeting-ah hian department hrang hrang hotute'n sum indaih lohna an tawh vanga harsatna an neih hrang hrangte an thlen a; Dr Hrisikesh Panda chuan, harsatnate chu theihtawpa sutkianpui an tum thu a sawi.

Meeting-ah hian Saiha bialtu MLA Dr K Beichhua leh MADC chief executive member RT Zachono te pawh an tel a ni.

Dr Hrisikesh Panda hian nimin vêk khan Lawngtlaia LADC enkawl Industrial Training & Pro­duction Centre leh Upper Saikah khuaa loneitute leh zirlaite a tlawh. Upper Saikahah hian Dr Hrisikesh Panda chuan tlang ram lo neih bânsanna atana pawimawha a hriatte a sawi a ni.