MSU-in Scholarship sem thuai an phût

Mizo Students’ Union (MSU) general headquarters chuan thuchhuah siam­in, Post Matric Tribal Scholarship cheng nuai 3,600 vel, Reserved bank of India (RBI)-in Mizoram sorkar sum báwma a dah tawh chu a rang thei ang bera zirlaite hnena sem an phût thu an tarlang.

MSU chuan kum dang­ah Post Matrict Tribal Scholarship leh Merit Scholarship-te chu chhan hrang hrang vangin hrên khawtlai a ni ṭhin tih sawiin, ṭha lo an tih thu leh an duh loh tak zet thu an sawi a, "Zirlaite dawn tur sum hi hmun dangah pawhpên a nih chuan zirlaite zah lohna leh hmusitna lian takah kan ngai," an ti.

MSU chuan, Rangvamuala leimin thenfai leh siamṭhat a nih vanga kawngpui danchah a nih ṭhin avangin Sairang leh a chhehvel aṭanga Aizawla sikul kai, a bikin exam mek pawl 9 leh pawl 11 zirlaite'n harsatna an tawk niin an sawi a; harsatna chinfel a nihna tura ruahmanna siam turin Aizawl DC an ngen tih an sawi bawk.