Legal Metrology kutah Tui meter endik hna dah

PHE department chuan January 22, 2015 aṭang khan Legal Metrology department kutah tui meter endik hna an dah. Legal Metrology department-te'n hman tlak a ni tih finfiahna certficate an pek loh chu PHE department-in an hmang thiang lo nia thu dawn a ni.

Legal Metrology department hotute sawi danin, dan ang chuan tui meter pakhat man chu Rs. 1,500 a ni a, sorkarin a inziak lut sumdawngte chauhin an hralh chhuak tur a ni. Mahse, tunlai hian tui meter chu a zuar tura tih, dealer ni lote pawhin an zuar a, a ṭha lo a tam phahah an ngai. Tui meter tlema dik lo deuh pawh siam rem mai theih a nih loh avangin a thar hlaka thlak zel a ngai a ni.

Hetih lai hian, Legal Metrology hian tui meter a dik leh dik loh endikna an nei lo a, an thiam ang angin an endik mai ṭhin niin an sawi.