Education Centre sak tur enfiah

School Education minister H Rohluna leh parliamentary secretary Joseph Lalhimpuia te chuan, February 17 khan Aizawl DC office bul, Aizawl DEO pisa hmuna Education Centre sak dan tur a hmunah an enfiah.

Education Centre sakna atan hian Special Plan Assistance aṭangin cheng nuai 880 ruahman a ni a, RCC building chhawng sariha sak tur a ni. Aizawl DEO pisa bakah, Sub Divisional Education Officer pahnihte pisa dah tum a ni a, a chhawng chung ber chu video conference hall leh mi 100 vel leng conference hall siam tum a ni.