Tui bill sang PHE sawipui

Champhai Ṭhalai Pawl hruaitute chuan, nimin khan tui bill tihsan chungchangah Champhaia PHE department hotute an kâwm a; PHE hotute chuan tui bill tihsan chu an duh dan a nih bik loh thu an lo hrilh.

PHE hotute chuan, tui bill tihsan chu sorkarin a duh thua a tih ngawt a ni lo tih sawiin, "Consumer association lam hotute hriatpuina leh pawmpuina thlapa tihsan a ni," an ti.

PHE hotute chuan, tui bill sang lutuk tam tak chu tui meter dik loh vang a ni tih an sawi a; hei hi thla hnih chung vel zir chiang tura hma an lak mek thu CṬP hruaitute an hrilh bawk.