KHAWTHLIR

Thisen pe
Aizawl West College chuan, an Cultural Day 2015 pualin nimin khan an college-ah blood donation camp an huaihawt a, Aizawl Civil Hospital tan thisen unit 87 an pe a, a petute mipa 58 leh hmeichhia 29 an ni.

Mi 1,320 admit
Aizawl Civil Hospital-ah January 2015 chhung khan mi 1,320 admit an ni a, nau piang 448 an awm laiin, mitthi 76 an awm. Mi 1,595 an zai a, x-ray-a en zat mi 2,119 awmin, laboratory-a en mi 49,085 leh khawl danga en mi 1,729an awm. OPD leh Casualty-a en zat mi 30,065 niin Mizoram páwna refer mi 186 an awm bawk.

Truck chesualah thi
February 17, Thawhlehni tlai khan Zemabawk Kawnvengah truck a tlân liam a, R Lalrinmawia, Falkland Veng a hnâwl a, R Lalrinmawia hi hmunah a thi nia thu dawn a ni.

Silver jubilee lawm
Samaritan Society of Mizoram chuan February 17 khan I&PR Auditorium, Aizawlah an kum 25-na, silver jubilee an lawm a, Health minister Lal Thanzara'n a hmanpui. Samaritan Society of Mizoram hi January 15, 1990-a din a ni a, ruihhlo ngai leh HIV veite enkawl hna an thawk a ni.

COTPA bawhzui
Lawngtlai District Anti Tobacco Squad leh Champhai District Anti Tobacco Squad-te chuan, nimin khan an district headquarters ve veah COTPA dan bawhchhia an awm leh awm loh an enfiah a; phal lohna hmuna mei zu an hmu lo a, COTPA bawhchhia man an nei lo.

Heroin man
CID (Crime) hnuaia Special Narcotics PS staff-te leh Lunglei BSF DC(G) ṭangkawpte chuan, February 17 khan Millennium Centre chhungah heroin hawng 2 leh a neitua puh Lalnunpuia (26), Khawmawi, Myanmar nia insawiin an man.