Pawisa pe tura hriattirna dawng

February 16, 2015 khan HPC(D) letter head hmangin Mizoram aṭanga hmunphiah thawn chhuahte la chhawng ṭhintu hnam dang 17 chu pawisa dil an ni a, an pek loh chuan an tana a pawi tur thu hrilh an ni.

Thu dawn danin, hnam dang 17-te hi Mizoram hmâr lama Assam ramri china awm an ni a; HPC(D) letter head hmanga lehkha an dawn avang hian Dholai Police Station-ah FIR an thehlut a, thubuai ziah luh a ni.

Thil thlenna hmun hi Mizoram chhung a nih loh avangin Mizoramah chuan thubuai ziah luh a ni lo a, mahse Mizoram police-te chuan tu tih nge hriat chhuah tumin theihtawp an chhuah mek a ni.

Hnam dang 17 hnena HPC(D)-te'n lehkha an thawn hi Bengali ṭawnga ziah a ni a, action commander Daniel tihin hming a ziak. An pawisa dil zat a inang lo a, cheng nuai 1, 2 leh 5-te an dil hlawm. Pakhat hnenah chuan silai mu an thawn tel a, ni thum chhunga pawisa a pek loh chuan silai mu a dawlh tur thu an hriattir a ni.