Lungleiah Workshop on Rajiv Awas Yojana

Urban Development & Poverty Alleviation (AD&PA) department buatsaihin Thawhlehni khan Lunglei sub. hqrs. YMA conference hall-ah ni hnih awh tur, ‘Workshop on Rajiv Awas Yojana’ ṭan a ni.

Workshop hawngtu Lunglei DC Ashish Madhaorao More chuan India ram chu ‘urbanisation’ kawngah ṭhang nasa hle mah se, mipuite nitin mamawh (basic services) chu pek sen a nih rih lo tih sawiin, "Khawpui tam takah mirethei an piang zel a, ‘slum area’ pawh a pung ṭhin a ni. Mumal zawka khawpui ṭhanlen a pawimawh hle a, chumi atan chuan tui thianghlim pek, kawlphetha-a hniarhnang, hriselna leh faina ngaih pawimawhte a ṭul hle," a ti.

Thusawitu dang UD&PA jt. director HVL Zarzoenga chuan UD&PA department-in Ministry of Urban developent leh Ministry of Housing & Urban Poverty-te nena khawpuia retheihna umbo nana an hmalakna kalpui mekte a sawifiah.

Rajiv Awas Yojana (RAY) hi June 2011 khan rampumah hman ṭan a ni a, phase 2-ah ṭhen niin, a tum ber chu ‘Slum Free India’ siam a ni. Mizoram-ah chuan district khawpui tinah preliminary survey chu local louncil/village council-e nen neih zawh tawh a ni a; Lunglei leh Aizawl-ah chuan ‘householder survey’ (chhungkaw awm zat chhiar) pawh neih zawh tawh a ni.

RAY pilot project hi Zuangtui, Aizawl-ah neih a ni a, tunah hian pilot project hna hi ṭan ni tawhin mirethei mahni in hmun neia in sa thei loten a thlawnin in an sa mek a ni.