R Romawia hoin Chapchar Kût hman dan tur rel

Art & Culture minister R Romawia hoin nimin khan a pisaah Chapchar Kût Organising Committee an ṭhu a, kumina Chapchar Kût hman dan tur an rel.

Meeting-a an rel dan chuan, Chapchar Kutah hian Mizo hnam lâm chi hrang hrang entir a ni ang a, zaithiam ṭhahnem tak an zai ang. Pipute rál beih dan lemchan thlirho tur a awm ang a, kût nikhuaa kût sa ei leh chhâwnghnawh dan a taka entirna te, a huhoa violin tum ‘mass violin’ te a awm dawn a, NEZCC aṭangin hmarchhak hnam hrang hrangte lâm ‘choreographed folk dance show’ entir a ni bawk ang.