Mizo leh English medium zirlai a inang dawn

Parliamentary secretary Joseph Lalhimpuia chuan, academic session thar aṭangin Mizo medium leh English medium sikulte zirlai a inang tawh dawn tih a sawi.

Joseph Lalhimpuia hian nimina 2nd Hualliana Memorial Football Tournament 2015, Hmunṭha khuaa khelh khârna hun a hmanpuinaah thu sawiin, "Mizo medium leh English medium sikulte chu session thar aṭangin an zirlai a inang tawh dawn a, Mizo sikula an zirlai ang chiah kha English medium-ah pawh English-in an zir thung dawn a ni," a ti. Sikul in tlabal tawh tam tak chu thawm ṭhat thuai a nih dawn thu a sawi bawk.