P Zalena Oxygen Plant hawng

Tuivamit-a oxygen thunna bun thar, P Zalena Oxygen Plant chu nimin khan Health principal director Dr K Ropari'n a hawng.

Dr K Ropari chuan, kawng hrang hrangah Mizoramin nasa taka hma a sawn thu sawiin, Health department pawhin nasa takin hma a sawn tih a sawi a, "Oxygen pawimawhna kan hre ṭheuh a, mihring nunna atana pawimawh berte zinga mi a ni a, a siam chhuahna hmun kan ramah ngei din a ni ta hi a lawmawm hle a ni," a ti.

K Ropari chuan, damdawi-ina intensive care unit (ICU)-a mamawh ber pakhat chu oxygen a nih thu sawiiin, "Sorkar damdawi-in bakah, mimal damdawii-nahte pawh ICU kan nei vek tawh a, Mizoram boruak ngei hmanga oxygen siam chhuah man man zawka lei tur a awm dawn ta hi sum tam tak humna tur a ni," a ti. Tun dinhmunah, oxygen chu Silchar aṭangin Rs. 820 vela lei ṭhin a ni.

P Zalena Oxygen Plant aṭang hian ni khatah oxygen bur lian (6.5 cubic) 250 a thun khat hman a ni.