Hmeichhe naupang kum ruk mi pawngsualtu kum 20 táng turin hrem

Kolasib Fast Track Court chuan hmeichhe naupang kum 6 mi pawngsualtu K Rothangliana (57) s/o K Liandawla (L), Bairabi chu kum 20 chhung lung-ina táng tur leh Rs 7,000 chawi turin a hrem.

Court judgement order-a a lan danin, K Rothangliana hian May 23, 2022 tlai dar 5 vel khan a pâwngsual tâk hmeichhe naupang chu a ṭhiante nen theihai rah tla an chhar laiin a hruai hrang a, a thawmhnawte phelhsakin, mipat hmeichhiatna lam hawiin a che zui a ni.

K Rothangliana khawsa lai chu mipa naupangte'n an hmu a, a insaseng nghal. Hmeichhe naupang chu a ute'n an hruai haw a, thil awmzia a pa bula an sawi hnuah police-ah FIR thehluh a ni a; police-te'n K Rothangliana chu an man nghal.

Doctor report-ah hmeichhe naupang chu pawngsual a ni tih tarlan a ni a; POCSO Act Section 6 tlawhchhanin Kolasib Fast Track Court judge R Vanlalena chuan K Rothangliana chu kum 20 chhung hrehawm taka lung-ina táng tur leh Rs 7,000 chawi turin a hrem a ni. Pawisa a chawi loh chuan thla thum dang tàn belh turin a ti bawk.