MP hoin Home Secretary kâwm

Rajya Sabha MP K Vanlalvena leh Chakma Autonomous District Council chief executive member Rasik Mohan Chakma, MLA-te chuan July 29, thawhṭanni khan New Delhi-ah sorkar laipuia Home secretary (Border Management) Dr Rajendra Kumar chu a pisaah an kâwm a; Indo-Bangladesh ramri hung páwna chengte chungchang an thlen.

MP leh CADC CEM hian Home Secretary hnenah hian India leh Bangladesh ramri hungna páwn lama India mi chengte chu ramri hung chhungah in leh lo dinsak an ṭul thu an sawi a; kum tam tak kal tawha BRTF-in ramri hrûla kawngpui an siam chu sorkar laipuiin ngaihsak thuai se an duh thu te, kum 2021-a Bangladesh ramri hrûla chengte hmasawnna tur project thehluh tawh, tun thlenga hmalakna la awm lo chungchangte an thlen bawk.

Dr Rajendra Kumar chuan, MP leh CEM-te thu thlente chu a rang thei ang bera bawhzui a tum thu a lo hrilh a ni.