Training for Outsource Facilities

Tourism minister Lalrinpuii chuan nimin khan Administrative Training Institute training hall-ah Tourism department-in Tourism Awareness Week puala an buatsaih 'Training for Outsource Facilities' a hawng.

Lalrinpuii chuan, Tourism department chu chhiah la lut thei department a nih thu sawiin, "Hemi piah lamah mipui ngheng reng department a nih avangin theihtawp chhuah a ngai," a ti a; training chu hlâwkpui ngei turin duhsakna a hlan.

Training hi August 2, 2024 thleng neih tur a ni a; hawnna inkhawm hi ATI joint director Lalhmansanga'n a kaihruai a, course director Golda Del Zohmangaihi leh Tourism director R Lalrodingi ten thu an sawi a ni.