Taima apiangin hlawhtlinna an hnaih - HTE Minister

Mamit College chuan nimin khan Mamit Chhimveng YMA Hall-ah Freshers cum Graduation Day an hmang a; Higher and Technical Education minister Dr Vanlalthlana'n hmanpuiin, mi taima apiangin hlawhtlinna an hnaih thu a sawi.

Dr Vanlalthlana chuan, Mamit chu mi taima leh mahni kuta din tum tia hriat an nih thu a sawi a, "Zirnain a tum ber chu mi lak tlak chher chhuah a ni a, eng hna pawh thawk se, ṭangkai leh rintlak taka thawh a pawimawh. A taima apiangin hlawhtlinna an hnaih a ni," a ti.

Mamit College-ah geography department hawn a nih theih nan hmalak a nih thu sawiin HTE Minister chuan, zirlaite'n Hindi an thiam zawkna atana buatsaih Skill Enhancement Course senso a tum sak tur thu a sawi a; lehkha chhiar tam tur leh zirlai kaihhnawih ngaithla nasa turin zirlaite a chah bawk.