World Book Fair-ah Mizo Footballer
Santosh Trophy 2014-a champion Mizoram football team captain, Zico Zoremsanga chu nimina New Delhi-a National Book Trust of India-in World Book Fair a buatsaihah hun hmang tura sawm a ni.
Pragati Maidan-a neih World Book Fair-ah hian kawng hrang hranga mi hlawhtlingte kawm an ni a, Zico hi a mimal chanchin bakah Mizorama football hmasawnnate sawi tura sawm a ni.
Khuangleng khaw chhuak Zico hian a chawr chhuahnate leh football-a a tawnhriatte a sawi a, zawhnate a chhan bakah Mizoram football kalphung leh tun hnaia hlawhtlinna a neihte a sawi.