Total bandh-ah khawng an tum

MNF party thuneitu sangte an president Zoramthanga hoa nimina Mizo Hnam Runa ṭhukhawm chuan, February 25, 2015, Nilainia Mizoram puma total bandh huaihawt an tum chu khawng taka kenkawh ni se, an ti.

MNF hruaitute ṭhukhawm chuan, February 25-ah total bandh huaihawt dawn mah se, V/C inthlan neihna tur Chakma Autonomous District Council chhungah chuan bandh chu kalpui ve loh an rel a; Mizoram hmun dang zawngah chuan duty ṭha taka insiam a, khawng taka bandh kenkawh an rel a ni.

MNF party chuan, total bandh hian damdawi-ina thawk te, tui sem te, electric line duty te, police leh venhimna lama thawk te, thuthar thehdarhtu badge nei te, bawnghnute sem leh MNF general hqrs.-in permit a pekte chu a huam dawn lo tih an sawi.