H1N1 vanga chîâi lo turin chah

Health department chuan thuchhuah siamin, H1N1 (Swine flu) a lên leh avangin mipuite chîâi lo turin an chah a; Integrated Disease Surveillance Programme (ISDP) chuan theihtawp chhuaha hma a lak mek thu an tarlang.

Health department tarlan danin, ISDP hmalaknain Mizoramah H1N1 vei pakhat hmuh chhuah a ni a, uluk taka enkawl nghal niin, tunah chuan a dam tawh. H1N1 vei chenpuite pawh a venna pek vek an ni a, an zingah kai ve dang an awm lo.

ISDP chhui zuinaah, H1N1 vanga damlo awm thut palha damdawi hman tur hi H1N1 hri lênna hmunah lo chuan pek a nih loh avangin, Health minister Lal Thanzara hmalaknain Delhi sorkar ta pûk a nih thu Health department chuan an tarlang.

Health department chuan, H1N1 chu hriat hma a nih chuan tihdam theih a ni tih sawiin, mipuite chu ṭul loa chîâi lo tur leh thu dik lo thehdarh lo turin an ngen a ni.