MFC-in a report Larsapah a thehlut

Mizoram Finance Commission (MFC)-in report an buatsaih chu nimin khan MFC chairman Van Hela Pachuau-in Governor Dr Aziz Qureshi hnenah a thehlut.

MFC report hi Mizo­­ram sorkarin a zir chian hnuah bawhzui a nih dan (action taken report) siamin Mizoram Legislative Assembly-ah pharh leh tur a ni a; chumi hnuah mipui náwlpui hmaah tlangzarh a ni ang.

Mizoram Finance Commission hi Mizoram Finance Commission Act, 2010 hnuaiah September 30, 2011-ah part time chair­man Van Hela Pa­chuau leh member se­cretary Lalthansanga neiin din a ni a; August 30, 2012 khan full time-a thawk turin anni pahnih hi dah ngheh an ni.

MFC report-in kum nga chhung - April 1, 2015 aṭanga March 31, 2020 thlenga hman tura rawtna a siamte chu - Autonomous District Council (ADC), Aizawl Municipal Council (AMC) leh Village Council (V/C) te'n mawhphurhna an hlen chhuah theihna tura sorkarin chhiah a lakkhawm aṭanga pawisa a pek ve tur te, chhiah an khawn ve tur te, thil bik atana sorkarin sum a pek dan turte leh an sum dinhmun ṭhat zawk theih dan turte a tel a ni.