ZNP-in Magisterial Enquiry din an phût
ZNP ṭhalaite chuan thuchhuah siamin, Babie Zothanpari w/o Steve Lalhruaichhuaka, Kolasib, February 3, 2015-a Kolasib District Hospital-a raicheha a thih chungchang chhuitu tur Magisterial Enquiry a rang thei ang bera din turin sorkar an phût.
ZNP ṭhalaite chuan, Babie Zotharpari thih chhan chu a hun taka thisen pek loh vanga an ngaih thu an sawi a, he thil thlengah hian Health department enkawltu minister Lal Thanzara chu mawhphurhna la ngama báng ngam turin an phût thu an sawi.
ZNP ṭhalaite chuan, mi hausa pakhat vangin Mizoramin ei leh bar a lak luhna kawngpui ber NH-54 chu Rangvamualah danchah a nih ṭhin avangin mipui nunphung a buai thah hle niin an sawi a; mipui tibuai lo zawnga zan lama kawng siam dan ngaihtuah turin sorkar an ngen bawk.