Lawngtlai by-pass road an lai ṭan

Lawngtlai khawpui tawt lutuk venna atana ruahman by-pass road tur chu Nilaini khan laih ṭan a ni a, hna bul ṭanna hun hi LADC CEM V Zirsanga'n a hman pui.

V Zirsanga chuan Lawngtlai khawpui tawt lutuk tur venna atan Lawngtlai by pass road laihna tur sorkar laipuiin a pe chu lawmawm a tih thu sawiin, "He kawng hi awlsam zawka mipui ten kan chhawr ṭangkai ngei ka beisei a ni," a ti.

Lawngtlai by-pass road hi Thingkah khua aṭanga laih tan ani ang a, Lawngtlai Council veng pawhin, Saiha lamah Chengkawl luiah a chhuak leh dawn a ni.. Kawng laih hna hi HCL Company ten an thawk ang a, kawng siamna atan hian cheng vbc. 11.4385 ruahman a ni a, cheng nuai 457.54 hmuh a ni tawh.

Kawng in a paltlang tura ram neitute chuan zangnadawmna beisei loin an ram an pe a ni.