Chief Secretary Lalmalsawma'n Horticulture Centre a tlawh

Chief secretary Lalmalsawma chuan nimin khan Chite-a Horticulture Centre a tlawh a, an hmalak dan a enfiah.

Horticulture Centre hi kum 2006-a din a ni a, hectare 4.36-a zau a ni. Horticulture department chuan kuthnathawktute tan sêr phun tur ṭha leh hrisel a siam chhuak ṭhin a, tun dinhmunah kumina phun theih tur quality planting material 38,000 siam chhuah a ni tawh.

Centre-ah hi NRCC, Nagpur aṭangin kum tin scientist-te'n thil zir nan an rawn hmang ṭhin a, state danga B.Sc (Horti) final year zirlaite'n practical neih nan an hmang ṭhin bawk. Chief Secretary hi Horticulture secretary B Lalhmingthanga leh Horticulture director R Zotawna ten an ṭawiawm a ni.