Rokunga kum 100-na lawmna khâr a ni

Rokunga Memorial Society (RMS) chuan kum 2014 tìr lam aṭanga Rokunga kum 100-na lawmna an lo kalpui tawh chu nizan khan Synod Conference Centre-ah a khârna hun an hmang.

Rokunga Birth Centenary lawmna khârna inkhawm hi RMS chairman Lalfakzuala'n kaihruaiin, Mission Veng bial pastor Rev. H Lalrinmawia'n hunserh a hmang a; RMS Asst secretary PL Liandinga'n thu a sawi. Inkhawmah hian Rokunga hlate sakho a ni a, Rokunga hlate vek hmanga malzai leh rimawi tumte ngaihthlak a ni bawk.