Revenue-in 2013-14 ah pass 2,856 a pe

Land Revenue & Settlement (LRS) department chuan sorkar kum kal ta 2013-14 chhung khan pass chi hrang hrang 2,856 an pe chhuak a, chung zinga 2,723 chu house pass/LSC a ni.

LRS department hian kum 2012-13 chhung khan pass chi hrang hrang 3,550 an pe chhuak a, kum 2013-14 aiin pass 694-in an pe chhuak tam zawk. Pass chi hrang hrang hi LRS directorate aṭanga pek chhuah a tam ber a, 1,039 pek chhuah a ni.

Kum 2013-14 chhung­in district hrang hrang zingah Aizawl district-ah pass pek chhuah tam berin, pass 551 pek chhuah a ni a, pass pek chhuah tlemna ber Mamit district-ah pass 180 pek chhuah a ni. Saiha leh Lawngtlai district chu autonomous district council area (ADC) a nih avang­in ADC hnuaia LRS department-in pass an pe chhuak thung.

Pass hrang hrang an pek chhuah zat chu - housing pass/LSC 2,723, garden pass 89, WRC pass 33 leh agriculture periodic pata 11 a ni.