High Court judge an lawmpui

Mizoram Bar Association (MBA) chuan Ningani zan khan Aijal Club-ah Gauhati High Court judge thar, Michael Zothankhuma lawmpuina hun an hmang.

MBA chuan thu­chhuah siamin, an member Gauhati High Court judge-a dah a ni chu an lawmpui thu an tarlang a, "Gauhati High Court-a Mizo judge kan neih belh theihna atana theih­tawp chhuahtu chief minister Lal Thanhawla leh Gauhati High Court judge (senior most) justice T Vaiphei te hnenah lawmthu kan sawi tak meuh a ni," an ti.

Mizoramin High Court building ṭha zawk a neih theihna atan leh High Court hrang a neih thuai theihna atan theih­tawp chhuah zel an tum thu an tarlang bawk.

MBA tarlan danin, Gauhati High Court hi state pali - Assam, Nagaland, Arunachal Pradesh leh Mizoramin a inṭawm a, judge full strength chu 27 a nih laiin, judge 17 an awm mek. Judge 17 zingah hian Mizo pahnih T Vaiphei leh Michael Zothankhuma te an awm a ni.