Faina thu puangtute'n an zin chanchin an sawi

PHE department hnuaia Communication & Capacity Development Unit (CCDU) bultuma Mizoram khaw 19 vel thirsakawr hmanga fang chhuaktu PC Lalramengmawia leh Vanlallawmzuala Varte, Mission Veng Youth Adventure Club-te chuan nimin khan Aizawl Press Club-ah an zin chanchin press mite an hrilh.

Thirsakawr hmanga zin chhuakte hian kilometre 737-a thui an tlan a, ni khatah km. 61 zel tlan ang an ni. Khaw tinah faina chungchang campaign an nei nghal zel a ni.

CCDU hotute chuan, Mizoram a fai nan chhung tinin êk-in an neih a ngai tih sawiin, khua leh veng tinah PHE department kaltlangin mimal tan êk-in sakna Rs. 12,000 a dil theih tih an sawi a; vantlang ek-in tur pawh an enkawl ṭhat dawn chuan a dil theih a, a diltuin Rs. 2,000 a tum ang a, Mizoram sorkarin Rs. 10,000 leh Central sorkar­in Rs. 1,20,000 a tumsak theih thu an sawi bawk.