Rel kawng siam hna chhunzawm zel

Lumding leh Badarpur inkara rel kawng October 1, 2015 aṭanga a lian chi-a thlak chu tluang taka chhunzawm zel a ni.

Transport secretary Hrangtawna sawi danin, tun hnai khan Guwahati-ah North East Frontier Railway-a chief operation manager-in rel kawng thlak hi tum lawk anga chhunzawm zel a nih thu leh, thla leh tawpah zawh theih an beisei thu a lo hrilh niin a sawi. He hna hi hmun hrang hrangah thawh a ni.

Tarlan tawh angin rel kawng zauh mek a nih avang hian Bairabi rel station-a Mizorama buhfai leh mamawh dang phurh luh ṭhin chu nikum October thla aṭang khan tihtawp a ni a, buhfai hi Guwahati atangin Mizoramah rawn thiar luh a ni.