South-II MUP-in conference hmang

Mizoram Upa Pawl, Aizawl South-II area chuan nimin khan Mission Vengthlanga DYO hall-ah area annual conference an hmang a, Vanlalzawma, MLA in a hmanpui.

Vanlalzawma chuan upa-te chu daihriat ngah leh mi thil thlir zau an nih avangin ṭhang­tharte leh naupang zawkte kaihhruai nan ṭangkai taka inhmang zel turin a fuih a, “China thufingah chuan ‘Thing upa leh tar tawh pawhin kumtin zik no a chhuah zui zel’ tih a ni a, chu mi ang chuan kum lama upate chuan ṭhatna leh ṭangkaina an neih zui zel avangin inthlahrung loa khawtlang tan an inhman zui zel a ṭul a ni,” a ti.

Aizawl South-II Area MUP annual conference-ah hian an member cha­tuan ram pan ta mi 73-te sunna neih a ni . Palai kal zinga upa ber, Kapṭhuama (94) leh hmei­chhe palai kal zinga upa ber TC Lalchungnungi (84) te hnenah lawmman pek an ni.