Minister leh NDMA expert inkâwm

Disaster Management & Rehabilitation (DMR) minister K Sapdanga leh Mizoramin tun hnaia chhiatna a tawh dante endik tura lo kal National Disaster Management Authority (NDMA) Technical Expert Group-te chu July 30, Thawhlehni khan an inkâwm.

K Sapdanga chuan, NDMA expert-te chu Mizoramin tun hnaia chhiatna a tawh dante a hrilhfiah a; sorkar laipui aṭanga sum leh pai bakah, technical support tel loa hmalak a harsat dan a sawi.

NDMA expert-te chuan, chhiatrupna a thlena Mizorama tlawmngai pawl leh khua leh tuite ṭanhona an hmuh chu India ram chhungah a tluk awm lo hial nia an hmuh thu an sawi a ni.

NDMA expert-te hian Mizoram hmun hrang hranga Cyclone Remal vang leh fûr ruahtui tla vanga tun hnaia khuarel chhiatna thlenna hmunte an tlawh dawn a, August 2, naktukah Delhi-ah an haw leh ang.