Kolasib district chhungah mipa aiin hmeichhia piang tam

Kolasib district bawrhsap Robert C Lalhmangaiha chuan nimn khan a pisaah Kolasib District Quarterly Statistical Bulletin (April-June 2024) a tlangzarh a; kumin kum chanve (January-June) chhungin Kolasib district-a nau piang zingah mipa aiin hmeichhia an tam a, hmeichhia aiin mipa thi an tam zawk tih tarlan a ni.

Bulletin-a tarlan danin, Kolasib district-ah January-June 2024 chhungin nau piang 611 an awm a, mipa 295 leh hmeichhia 316 an ni. Thla ruk chhung vek hian mi 297 an thi a, mipa 189 leh hmeichhia 108 an ni. Kumin April, May leh June thla chhunga thih chhan tam ber chu cancer a ni a, lung ṭha lo leh thin lam natnain a dawt a ni.