Civil Hospital Trauma Centre sak mek Project Monitoring Committee-in endik
Mizoram State Project Monitoring Committee (MSPMC) chuan July 30, Thawhlehni khan Civil Hospital, Aizawla Trauma Centre tur in sak mek an endik a; chak zawka hna kalpui dan turte department hotute leh contractor-te an sawipui.
MSPMC team vice chairman R Lal Rinawma, IRS (Rtd)-in a ho a; member secretary Lalthanzuala Ralte, member dang - Lalbiakmawia Khiangte, Dr K Vanlaldinpuia leh Vanlalneiha Ralte bakah, task force Vanchhungi te an tel.
Tarlan danin, Aizawl Civil Hospital Trauma Centre sakna atan cheng vbc. 5.71 ruahman a ni a, sorkar laipui HFW Ministry aṭangin cheng nuai 121.50 leh Mizoram sorkar (NEDP) aṭangin cheng nuai 450 dah a ni. Nodal deaprtment chu Hospital & Medical Education a ni a, contractor chu Parimal Projects, Secunderabad, Telengana an ni.
February 17, 2022-ah sak ṭan niin, February 16, 2024-ah sak zawh tura ruahman a ni a, 66% zawh a ni tawh. Covid-19 leh a hmunhma ram buai avangin a hunah zawh hman a ni lo a, hun pawhsei dil mek niin, February 16, 2025-a sak zawh tura hmachhawp a ni.