Aitlanga Assam kawng laih enfiah

Mizoram leh Assam ramri bâwr vel, Vairengte Aitlanga Assam police-te'n an camp panna kawng an lai thar nia sawi chu nimin khan MZP General Headquarters, Kolasib Headquarters leh Bairabi leh Vairengte sub-headquarters hruaitute'n an enfiah.

MZP hruaitute hian Vairengte Joint VC leh Joint YMA hruaitute thil awmzia an sawipui a; Vairengte khawtlang hruaitute chuan, Ailanga Mizoram police camp panna kawng chu lirtheia tlân theihna turin blacktop/block phah a nih ve loh thu an sawi a, kawng ṭha zawk siam a nih theih nan chak zawka Mizoram sorkar nawr turin MZP hruaitute an lo chah niin MZP thuchhuah chuan a tarlang.

MZP chuan, Assam police-te'n an camp panna kawng an sial chu August 9, 2024-a Assam leh Mizoram sorkar inbiak hma chuan an tihtawp theih nan hma la turin thuneitute an ngen a ni.