Union Budget 2024-25 zirhona buatsaih
BJP, Mizoram Pradesh chuan nimin khan Aijal Club-ah kum 2024-25 atana sorkar laipui budget zirhona, 'Intellectual discussion on the Union budget 2024-25' an buatsaih a; political party hrang hrang aiawh te, mithiam te, journalist-te leh zirlaite an tel.
Zirhonaah hian PC Lawmkunga, IAS (Rtd) leh Mizoram University-a associate professor Dr James LT Thanga te resource person an ni a; BJP, Mizoram IT convener Lalramdinfela Khiangte-in Union budget 2024-25 tlangpui sawifiahin, BJP Mizoram president Vanlalhmuaka kaihhruaiin zawhna leh chhanna hun hman a ni.
BJP, Mizoram chuan thuchhuah siamin, budget zirhona chu Mizoram mipuiah budget pawimawhna leh union budget aṭanga Mizoram mipui ṭangkaipui theih turte mipuiin an hriatthiam theihna atana buatsaih a nih thu an tarlang a, "Union budget 2024-25 ah hian mipui tana hamṭhatna tam tak a awm a, kawng tam takah Mizo mipui pawhin kan chhawr ngei dawn a ni," an ti.
Mizoramin hmasawnna a neih nan theihtawp chhuah zel an tum thu sawiin BJP chuan, "Sorkar lai chu tu pawh ni se, Mizoram hmasawnna tur thil ṭha tih kawngah theihtawp chhuaha pui turin kan awm," an ti a; Union budget kaltlanga hmasawnna chhenfâkawm tak Mizoramṭin a hmuh theih nan kan an lak zel dawn thu an tarlang.