MP-in Israel palai a kâwm
Lok Sabha MP Richard Vanlalhmangaiha chuan July 30, Thawhlehni tlai khan India rama Israel palai (ambassador) Naor Gilon chu a chenna inah a hmu a, Israel rama Mizote tana hamṭhatna awm thei tur thilte a sawipui.
Richard Vanlalhmangaiha chuan, Mizo ṭhalaite tana Israel rama hna thawh theih dan tur a sawipui a; Naor Gilon chuan, Gaza buaina avangin Israel-ah hna thawk tur an mamawh nasat thu sawiin, Mizo ṭhalai tam zawkin Israel rama hna an hmuh theih dan tur a sawifiah a ni.